Hryðjuverkaáras á almenningsamgöngur hhöfuðborgarsvæðisins

mbl.is: 

"Hryðjuverkaáras var gerð á almenningsamgöngur höfuðborgarsvæðisins þann 3. júní með þeim skelfilegu afleiðingum að fjöldi gamalmenna, barna, öryrkja, innflytjenda, ferðamanna o.fl. geta ekki komist lengur um borgina með auðveldum hætti. Komið hefur í ljós að margir eru fastir á elliheimilum sem og öðrum stöðum við vondan kost og hafa ættingjar né björgunarmenn ekki getað komið þeim til hjálpar.

 Heimldir segja að hryðjvuerkasamtökin Ex-Dueda standi á bak við ódæðið en það eru samtök öfgasinnaðra hægri hryðjverkamanna er stefna á því að leggja velferðarkerfi sem og þjónustu við almenning í rúst svo hægt sé að koma af stað öfgafrjálshyggjuríki þar sem guð þeirra Mammon verður dýrkaður alla daga og allir þegnar verða neyddir til að gera ríkustu prestana ríkari og mega engar tilfinningar sýna nema græðgi."

Þessi frétt flaug í hausinn á mér þar sem ég stóð á biðstöði eftir strætó, nýkominn frá tannlækninum og rétt missti af þremur vögnum sem keyrðu í halarófu. Þar sem ég hafði misst af þeim öllum sem komu á sama tíma, þýddi það að ég þurfti að bíða í hálftíma í viðbót til að komast aftur í vinnuna. Þessi ferð til tannlæknisins þennan dag hafði nefnielga þar að auki kostað auka hálftíma í vinnutap vegna þess að ég þurfti að grípa strætó mun fyrr en venjulega til að komast til tannsa þar sem ég kom 20 mínútur fyrir bókaðan tíma.  Ástæðan er einföld, þessar arfavondu og ömurlegu breytingar sem gerðar voru nú síðast og þetta er bara eitt dæmi sem ég hef lent í með strætó eftir breytingar

Þessar breytingar hafa greinilega verið allar gerðar til þess að gera almenningsamgögnurnar verri, óskilvirkari og gera fólk argara út í strætókerfið sem var á réttri leið þar til Sjálfstæðisflokkurinn fékk yfirráðin nú. Fjandinn hafi það, ekki var ég hrifinn af R-listanum en þeir voru allavega á réttri leið með kerfið. Núna er allt saman óþjálla og verra, líkt og verið sé að undirbúa það að koma almenningsamgöngum sem og öðru sem í samfélaginu í hendurnar á samviskulausum og ómennskum fulltrúum græðginnar sem hugsa eingöngu um sinn vasa en ekki bætingu þjónustunnar.

Á sama tíma koma fulltrúar þessara talibönsku einkavinavæðingarafla og segjast vera bæta þjónustuna....jahá. Er verið að bæta þjónustuna með því að skerða hana og gera verri og óþægilegri fyrir þá sem nota? Heldur Gísli Marteinn sem og félagar hans, að strætónotendur séu heimskir? Maður getur ekki annað en spurt. Svo koma fleiri aumar afsakanir eins og að fáir noti strætó á sumrin en ef þeir hefðu rýnt í tölur hjá strætó, þá hefðu þeir séð aukningu á farþegafjölda síðasta sumar sem bendir til aukinna tækifæra.

Svo í framhaldi munu þeir fara að tala um það að enginn noti strætó og því sé best að leggja niður eða einkavinavæða vegna þess að þeim sé betur treystandi fyrir rekstri en hinu opinbera. Ekki munu þeir taka neina ábyrgð á því að þeir frömdu hryðjuverkaárás á kerfið og hafa stundað það vísvítandi að eyðileggja það í annarlegum tilgangi.

Er ekki kominn tmi til að SÞ og þjóðir heims grípi til aðgerða gegn þessum ógnvekjandi samtökum? Við íbúar höfuðborgarsvæðisins sem ekki erum á bíl, þurfum að komast leið okkar án þess að bíða milli óttar og vonar um það að strætó sé til staðar að þjóna.
 

 

Athugasemdir

[AK-72, 15.6.2007 kl. 17:33]

Takk fyrir leiðréttinguna, puttarnir eitthvað að flýta sér þó þeir gætu nú verið með mammoth inn í Valhöll.

Annars er ég nú frekar pirraður á strætó sem ég hafði verið þokkalega ánægður með fram að þessari síðustu breytingu, svo það er nú einvher alavar í þessu, og ég er ekki að skálda það að það séu ýmis atvik síðustu daga sem hafa fengið mig á þá skoðun að verið sé að eyðileggja kerfið.

[Sigurgeir Orri Sigurgeirsson, 17.6.2007 kl. 08:13]

Eitthvað er minnið að stríða þér Aggi, farþegum strætó hefur farið fækkandi ár frá ári og aldrei meira en í tíð R-listans. Það þarf að finna aðrar lausnir. Til dæmis fá Sniglana til að taka að sér akstur á einhverjum leiðum sem verktakar. Ég sé fyrir mér að þeir aki um í hóp, svona 5 saman og taki svo upp þá farþega sem eru á hringnum Hlemmur - Fell.

[AK-72, 17.6.2007 kl. 09:48]

Reyndar er nú minnið ekki að stríða mér, Orri. Ég er búinn að rífast svo oft um strætófarþega, að maður þekkir tölfræðina. Það er rétt hjá þér að farþegum fór fækkandi en þegar nýja kerfið hafði fengið einhverja reynslu, kom í ljós að farþegum fór fjölgandi miðað við síðustu ár. Þróunin var á þann veg þar til nú allavega. 

Ef menn grufla aðeins í fréttum á bus.is, þá er hægt að sjá tölurnar.