Og svo eru menn að hafa áhyggjur af Hell's angels!

Maður veltir því mikið fyrir sér þessa daganna hvort starfsemi verði stoppuð og erlendum starfsmönnum vísað úr landi, um leið og þessi risa-glæpastamtök hafa náð taki á Alcan. En ætli tvískinnungurinn verði ekki í hámarki: leðurjakkalæddir ruddar verða óvelkomnir á meðan fag-umhverfiseyðingarmenn og stríðsglæpamenn munu fá að valsa inn til landsins í fylgd sömu mannana og neituðu Englum vítis að koma. Má þá reikna með að það hafi verið klæðnaðurinn sem fari fyrir brjóstið á Birni Bjarnasyni og sýslumanni, en ekki glæpir því Rio Tinto hefur risastórt forskot með ábyrgð sinni á stríðsglæpum í Nýju-Guineu sem kostuðu að minnsta kosti 19.000 manns lífið.

Samt skrítið að enginn skuli hafa spurt Illuga  Gunnarsson út í Vítisenglana, hann sagði j fyrir nokkrum mánuðum í Ísland í dag, að Rio Tinto væru velkomnir til landsins á meðan þeir höguðu sér ekki eins og annars staðar í heiminum. Skyldi hann segja það sama um Vítisengla?

Reyndi að yfirtaka Rio Tinto