Illur og illa unninn hatursáróður.

Ein af þeim aðferðum sem Göbbels, Streichner o.fl. beittu við gerð hatursáróðurs gegn gyðingum, var að taka vers úr Talmudinum til að sýna fram á illsku og hatur gyðinga í garð allra annara, og sett í samhengi við grimmdarverk

Á þessum nótum hefst hatursáróðursmynd Geert Wilders sem nær ekki almennilega að stíga í spor lærimeistara sinna í áróðursfræðinni með mynd sinni Fitna. Hann reynir að tína allt til að kynda undir fordóma og hatur í garð múslima með því að reyna að tengja handvalin vers úr kóraninum og ræður öfgaklerka við myndir sem eiga að fá áhorfandann til að gleypa við illsku múslima s.s. ellefta september, Madrid-sprengingunni og krakka sem greinilega hefur verið mataður á því sem hann á að segja um gyðinga, nokkuð sem er eitt af því sem er reynt að nýta til að sýna hvað múslimar allir eru vondir, þeir séu allir gyðingahatarar frá æsku. Að lokum fer hann út í það að útlista hvað múslimar séu hættulegirHollandi og reynir að nýta tölur um hvað múslimar eru orðnir margir í Evrópu og tengja þá alla við hryðjuverk, nokkuð sem ef fólk hugsar um er absúrd þar sem aðeins örlítið brot ástundar það sem Wilders reynir að telja fólki trú um að allir múslimar séu. Framsetning myndarinnar er svo frekar barnaleg og augljós tilgangurinn blasir við flestum nema þeim sem eru sanntrúaðir á illsku allra múslima að viðbættu að kvikmyndalega séð er myndin illa unnin og óspennandi.

En það er ekki nóg með að þetta sé barnalega unnið og slappt hjá Wilders heldur skýtur hann sig í löppina allavega þrisvar sinnum. Hann setur mynd af hollenskum rappara í stað myndar af manni sem drap kvikmyndaleikstjórann Theo Van Gogh, nokkuð sem gæti leitt til lögsókna líkt og það að nota túrbans-tekininguna frægu af Múhammeð án leyfis höfundar sem ætlar sér í mál við Wilders og einnig má e.t.v. velta því fyrir sér hvort fleiri clips úr fréttum séu með leyfi. Þriðja skotið í löppina er þó ekki eins greinilegt og annað en það er þegar lík er dregið um göturnar á einum stað. Ég gat allavega ekki annað séð en þetta sé einn af Blackwater-málaliðunum sem var drepinn í Fallujah og varð upphafið að hroðalegu blóðbaði þar sem Bandaríkjamenn beittu fosfórssprengjum gegn almenningi ásamt fjöldamorðum á óbreyttum borgurum. Drápið á málaliðunum tnegdist ekkert trúarbrögðum heldur uppreisninni í Írak og hrottaskap Blackwater-málaliðanna sem skemmtu sér við að skjóta almenna borgara.

En Geert Wilders er nokk sama um sannleikann, hann er tækifræissinnaður öfga hægrimaður sem reynir að næla sér í atkvæði út á að spila inn á gamlakunnar trommur haturs og fordóma. Í gegnum tíðina hefur hann lýst því yfir að Kóraninn sé sambærileg á við bókina sem hvílir á náttborðinu hans örugglega: Mein Kampf, og að múslimar eigi að njóta ekki sömu mannréttinda og aðrir ásamt allskonar haturskenndum áróðri í þeirra garð. Wilders er að sama skapi sprottinn upp úr þeim hópi hægri öfgaflokka sem dýrkuðu Hitler áðru en eftir stríð þá náði gyðingahatursáróður þeirra ekki lengur til fjöldans. Upp úr 1970 þegar fylgi þeirra var í lágmarki þá sáu sumir þeirra að sér og fundu út að það væri betra að finna nýjan óvin til að spila inn á, og skiptu út gyðingum fyrir múslima. Á þessum nótum hafa svo Wilders sem aðhyllist neo-constefnu Bush-stjórnarinnar, belgíska útgáfan af flokki hans o.fl. spilað og í bland við lúðra þjóerðniskenndar og kristna öfga-frjálshyggju.

En því miður er það nú alltaf svo að það finnast fordómafullir einfeldningar og fólk sem ætti að vita betur, sem fellur fyrir svona áróðri og tekur undir allt svona án þess að spyrja spurninga og efast um matreiddan "sannleika" Wilders. Sumir sem verða e.t.v. stormsveitarmenn framtíðarinnar, telja þetta vera allt satt og rétt um múslima án þess að gera sér grein fyrir tölfræðinni á bak við, sama fólk telur jafnvel að forsíðufréttir lýsi algjörlega ástandi hluta án þess að kynna sér frekar málin og tala um mynd Wilders sem hinn stóra sannleik. Aðrir vegna trúar- og/eða stjórnmálaskoðana, keppast við að verja myndina og boða "fagnaðarerindi" Wilders og vísa til mál- og tjánignarfrelsis. Það er því miður ekkert annað en skrumskæling og misnotkun á því frelsi að nota það til að kynda undir hatur á saklausu fólki, og niðurlægja það. Hatursáróður á ekkert heima undir málfrelsinu því eins og sumir af þeim postulum sem prédika þetta hatur á múslimum segja, frelsi eins má ekki skaða aðra. Hatursáróður Wilders er jafn ógeðfelldur og hatursáróður öfgaklerkana sem hann vitnar í, og allt sæmilega gefið fólk á að fordæma slíkt.

Að lokum þá get ég ekki annað en velt einu upp hér sem tengist þessu ágæta bloggi Moggans. Síðastliðið haust var opnað blogg þar sem nasistaáróðri var básúnað og því lokað stuttu síðar af stjórnendum hér. Að sama skapi hafa skipulögð hatursblogg gegn múslimum fengið að standa hér óáreitt þar sem keppst er við að reyna að skapa "óvinar-imyndina" af múslimum. Hver er munurinn? Hvers vegna að banna nasistaáróður og leyfa hitt? Er þetta ekki tvöfalt siðferði, sérstaklega þar sem hatursáróður og dreifing hans er ólögleg hér á landi sem og á mörgum stöðum í heimnum? Er jafnvel ekki dreifing eða tenglar á mynd Wilders einmitt glæpsamleg í lagalegum skilningi þar sem bloggið hér fellur undir íslensk lög?

Maður ætti kannski að prófa að kæra til að fá úr þessu skorið. 

„Fitna" fjarlægð af netinu

Athugasemdir

[óli (IP-tala skráð) 30.3.2008 kl. 15:12]

Já svona menn eins og AK72 eru til því miður. Það að vekja athygli á öfgageðveikini sem þessi viðbjóðslegu trúarbrögð eru er ekki gott mál að mati AK72. Kvennfyrirlitning,aflimanir og hatur gagnvart allt og öllum sem ekki aðhitlast viðbjóðinn er AK72 mjög að skapi. Sorglegt hvað mikið er til af illaupplýstu fólki á vesturlöndum þó að flestir sjá í gegnum þetta ógeð sem Islam er.

[Neddi (IP-tala skráð) 30.3.2008 kl. 16:14]

@salb, það er greinilegt að þú skilur ekki hvað kaldhæðni er.

@Skúli, miðað við hvernig bloggið hjá þér er þá finnst mér ekkert skrítið að þú sért hrifinn af myndinni því annan eins óhróður hef ég sjaldan séð á bloggi, hvorki fyrr né síðar. Wilders sagði í aðdraganda birtingu myndarinnar að hún væri gerð til að sýna hvað íslam væru ofbeldisfull trúarbrögð og væru það af því að Kóraninn boðaði þetta ofbeldi. Þessi mynd er því árás á alla þá sem að eru Íslamstrúar, jafnt öfgamennina sem þá sem að hófsamari eru. 

[Neddi (IP-tala skráð) 30.3.2008 kl. 16:50]

Já, það ert bara þú.

[AK-72, 30.3.2008 kl. 16:55]

Jahérna, salb, er þetta ekki orðið þráhygjgufullt hjá þér? Þú tekur hlutinn úr samhengi án þess að restin fylgi með. Þessi kaldhæðni mín var beint að þeim sem rjúka til í hvert sinn sem eitthvað gerist tengt útlendingum og alhæfa um hvað þeir nauðgi, misþyrmi og myrði, útfrá gjörðum fárra, og færði yfir á Reykjnaesbæinga út frá gjörðum ómennana í ÍFÍ-samtökunum sem réðust á og misþyrmdu fjórum Pólverjum þar. Ef þú ætlar að setja þetta yfir á bloggsíður Reyknesinga, láttu þá fylgja með alla færsluna en ekki einhvern selective bút líkt og þú gerir. 

óli: Þú sannar það algjörlega að menn eru að meðtaka þessa mynd sem "sannleik" um alla múslima en ekki þann fámenna hóp öfgamanna sem fremur voðaverk.

Skúli: Ég reyndar tengi þessa mynd ekki við íslamista eingöngu heldur er framsetning hennar og eins og ábending Nedda, beint gegn öllum músliimum. Ef tilgangur Wilders hefði veirð að beina henni eingöngu gegn öfgamönnunum þá hefur honum algjörlega misheppnast í þeim tilgangi því hann heimfærir þetta upp á þær 54 milljónir sem búa í Evrópu og hvergi kemur fram að hann meini aðeins öfgamennina, heldur tekur hann einnig dæmi frá Írak þar sem ástæða margra grimmdarverka er ekki trúin heldur fyrst og fremst það blóðuga stríð sem þar geysar, og reynir að heimfæra það yfir á múslima.