Magma-leiksýning fáránleikans í Hringleikahúsi REI-hópsins

Í dag ákvað ég að skjótast fyrr úr vinnuni til að ná leiksýningu sem sett var á svið af REI-leikhópnum fræga í Hringleikahúsinu við Tjörnina. Kallaðist sýningin Magma mín-auðlindargjafarblús í D-moll og í henni átti að koma fram aragrúi af þekktum stjörnum á borð við útrásarvíkinga, S-hóp, heimspeking frjálshyggjunnar dr. Hannes og aðra frægar stjörnur sem kætt landann af svo miklum fögnuði að efnahagskerfið hrundi. Söguþráðurinn gekk út á súrrealíska sirkussýningu þar sem hópur strengjabrúða frjálshyggjunnar með 30 silfurpeninga í stað sálar, áttu að koma auðlindakjötbita í kjaft hrægamma og hýena sem ráfuðu um í skugganum og kipptu í strengjabrúður sínar. Til mótvægis voru þarna til staðar hinir sjö samuraiar sem áttu að segja NEI!NEI!NEI! í hálfvonlausri fyrirfram ákveðinni baráttu.

Ég reyndar var aðeins seinn fyrir þannig að ég kom inn í mitt upphafsatriðið þar sem fýlulegur gargari blés út úr sér froðukenndum sápukúlufrösum frjálshyggjunnar og  hver léleg lygin fauk á fætur annari. Áhorfendum var lítið skemmti yfir þessu atriði, einkum vegna ósannfærandi ofleiks og innihaldsleysis prímadonnu verksins, og létu því í ljós megna óánægju sína sem prímadonnan fúla átti skilið og henni til mikils pirrings, enda hélt hún að viðbrögðin yrðu mun betri við þessu verki sem hafði í fyrri uppfærslu heitið REI-kurrinn mikli eða hvernig við dvergarnir sex ætluðum að stinga oddvita okkur í bakið en fengum rýtingasett sjálf í bakið.

Eftir smá rokkaðan söng frá hópi samurai-anna sjö sem vakti bærilega hrifningu áhorfenda sem þótti ýmislegt í textanum eins og talað úr hjarta sínu, þá átti að koma fram aðalatriði sýningarinnar eða S-hópurinn með Finn Ingólfs nokkurn í fararbroddi. Spennan var því einstaklega rafmögnuð orðin þegar salurinn var myrkvaður og tjöldin dregin frá við söngpúlt andskotans undir tilkynningarsöng forsetabrúðarinnar:"Og héééér er FINNUR!"

En nei, ekki stóð Finnur þarna með strengjasveit sinni S-hópurinn, heldur var þar eingöngu ódýr eftirlíking sem söng söngva Finns líkt og léleg útgáfa af Geir Ólafs að taka Frank Sinatra á hátíðarstundum. Út úr honum dundi falskur Einkavinavæðingarsöngur Finns en flestir ættu að kannast við viðlagið:

"Ekki benda á mig, sagði Framsóknarmaðurinn.

Þetta kvöld var ég að ræna almannasjóði,

spurðu þá sem ekki voru hér,

ég ábyrgist að smjörklípan lendir þar."

Við þessa svik og pretti brugðust áhorfendur mjög reiðir við enda vörusvik í besta falli og landráð í versta dúr. Hrópuðu þeir ótt og títt:"Hvar er Finnur? Finnum Finn!" og skimuðu um allt en sáu hann ei leynast í skugganum glottandi yfir þessum hrekk sínum. Loks varð einum áhorfenda nóg boðið yfir þeim ögurlegheitum sem í þessum einstaklega falska söng fólst og kastaði hann því krónu á sviðið til að reyna að kaupa þögn í blæðandi eyru áhorfenda. Ekki gekk það né þagnaði þessi forsöngvari fjandans þrátt fyrir örvæntingarfyllri og hærri boð þeirra sem í stúku sáttu og hrökkluðust einstaka jafnvel í burtu, hálfgrátandi og miður sín upp á slysavarðastofu til að láta gera að eyrnaskaðanum.

Þegar eftirherman illræmda lét loks sviðið eftir, þá reyndu hinir sjö samuraiar að koma fram mótbárum og hafa áhrif á heila og heyrnarlausar strengjabrúður sem sumar hverjar voru sendar upp til að fara með „Ekki benda á mig, allir aðrir bera ábyrgð"-sönginn sem kunnur er frá þessum brúðukór og þykir einstaklega heimskulegur og illa saminn. Gerði það áhorfendur enn reiðari og sárari yfir þeim drottinsvikum sem þessi leikhópur framkvæmdi gegn þeim og öðrum þeim sem þurfa að greiða fyrir uppsetningu í allt að 130 ár(með sérstökum 9,3 milljarða aðgöngumiða fyrir leikhúseigendur).

Var því orðið frekar reitt, pirrað og sárt andrúmsloft þegar prímadonna steig digurbarkalega á ný upp á sviðið í lokasöng sem leiddi til endi þessa mikla harmleiks í söngleikjaformi.  Einstaka áhorfenda sem ekki vissi betur, dreymdi í smástund að út um gribbulegan munn kæmi jákvæður söngur sem gæfi von um farsælan endi. Sú von hvar um leið og prímadonnan glotti illkvittnislega að áhorfendum og hóf upp sinn frægasta og leiðinlegasta söng sem reglulega er sunginn af laglausum stuttbuxnadrengjum í ránsferðum:"Bendum bara á Samfó, það eru okkar einu rök."

Galaði hún og gargaði af svo mikilli innlifun hrokans og ákefð að hægðir sínar missti hún í brækur og til hliðar gekk hún með saurslóðina á eftir sér, fullviss um ofurframmistöðu sem nísti sálir áhorfenda inn að beini. Svo reyndist ekki fara enda voru áhorfendur einfaldlega í losti yfir frammistöðunni og hinni ógeðfelldu,s viksömu sýningu sem í hroða sínum slæi út stanslausa sýningu á Anti-Christ Lars Von Triers, með áhorfandann læstan til 65-130 ára í A clockwork orange-hjálminum fræga.

Lokasenan rann upp þar sem hinir sjö örvæntingafullu samurai-ar hrópuðu Nei-nei-nei! Á meðan strengjabrúðurnar kölluðu Já-Já-Já þegar kippt var í spotta af brúðumeisturum úr Magma, Capacent Glacier, Valhallar-kórnum og strengjasveit S-hópsins. Áhorfendur voru þá búnir að fá nóg, hrópuðu réttilega að strengjabrúðurnar væru að svíkja þá sem borguðu fyrir „show"-ið og voru búnir að fá nóg þegar kippt var fast í Gísla, brúðuna glaðlyndu sem hafði verið límdur fastur við Fésbókar-uppfærslur.

Þessi hræðilega sirkussýning andskotans endaði svo með því að prímadonnan stóð upp og byrjaði að benda til áhorfenda í valkvæðni með sömu einbeittu kuldalegheitum og þeir böðlar sem velja hvort menn lifi eða deyi í vinnubúðum einræðisríkja. Féllu fingur hennar á drengi nokkrum sem hafði séð aumur á henni og fært henni salernisrúllu til skeiningar. Skipti þá engum togum að þrír einkennisklæddir útkastarar og dyraverðir valdsins gripu drengstaulann og kunningja hans tvo sem ekki voru sáttir við að þurfa að borga gjaldið mikla fyrir svona lélega sýningu. Voru þeir keyrðir niður og reykspóluðu svo inn hluti af sérpantaðri stormsveit sem beðið hafði verið um sem gestaleikarar, í óaðfinnanlegum gæsagangstakti til aðstoðar dyravörðum valdsins.

Leikararnir flestir kvöddu þá sviðið, sumir glottandi og glaðir yfir því að hafa blekkt áhorfendur svo vel á meðan einstaka stóð eftir til að fylgjast með viðbrögðum áhorfenda sem létu í sér heyra reiðina sem best var lýst í orðum gamals öryrkja sem stóð þar hokinn með hækju sína og hrópaði sannleikann sára til lélegra strengjabrúðna sem eftir stóðu:" Þið ættuð að skammast ykkar!"

Því hélt maður út frekar dapur, reiður og sár eftir þessa hörmungasýningu sem kostað hefur alla þá sem á horfðu, alla þá sem leikendum greiddu og alla þá sem í uppsetningu áttu: yfirráð auðlinda til 65-130 ára að viðbættu 9,3 milljarða króna tapi leikhópsins á uppsetningunni. Þó var reynt að draga úr tapinu með því að segja að í staðinn fengjust 30 milljónir á ári í svokallað auðlindagjald þó við mættum ekki nota sjálf auðlindirnar í jafnlangan tíma og hefur liðið frá stofnun lýðveldisins.

Lokadómur er því á þessu verki að sjaldan hafa slíkar hörmungar sést hvort sem það var handrit eða leikstjórn. Leikhópurinn óheyrilega falskur og augljóslega fjarstýrt meirihlutameginn. Minnihluti leikhópsins átti þó góða spretti og virkaði á köflum að hann væri einlægur en náði þó ekki tilætluðum árangri. Uppsetning, leiktjöld og sviðsetning augljós og illa gerð með geigvænlegu tapi sem gæti kostað framleiðendur og áhorfendur alla framtíð og von í auðlindalausu landi fyrirtækjaræðis.

Vonandi verður þessi leikhópur  frjálshyggjunnar og leiksýning spillingar lögð niður um alla tíð, öðrum sem sársaukafullt víti til varnaðar.

Sala í HS Orku samþykkt

Athugasemdir

[Hallur Magnússon, 15.9.2009 kl. 21:36]

Heill og sæll höfðingi!

Mótmælendur á pöllum borgarstjórnar eru að gera hróp að röngum aðila. Ef fólkið er á móti því að leigja orkulindirnar á Suðurnesjum þá er Orkuveitan og meirihlutinn í borgarstjórn ekki rétti aðilinn að skamma. Reykvíkingar hafa ekki umráð yfir þeim orkuréttindum. Það eru sveitarfélög á Suðurnesjum sem þegar hafa samið um nýtingu orkulindanna.

Ef fólkið er á móti því að leigja orkulindirnar í svo langan sem raunin er - það er til 65 ára - þá eiga þeir ennþá síður að gera hróp að meirihlutanum í borgarstjórn. Þeir eiga að gera hróp að ríkisstjórninni fyrir að breyta ekki lögum þannig að leigutími á auðlindum verði styttri og að sveitarfélögunum á Suðurnesjum fyrir að nýta sér að fullu þann möguleika sem lögin gefa.

Ef fólkið er á móti því að Orkuveitan selji hlut sinn þá á það að gera hróp að samkeppnisyfirvöldum sem túlka samkeppnislög á þann hátt  raun ber og skikkaði Orkuveituna að selja. Eða þá stjórnvöldum fyrir að setja ekki sérlög um að Orkuveitan geti átt hlutinn áfram.

Ef fólkið er á móti því að Orkuveitan selji Magma Energy hlut sinn í HS Orku - þá er Orkuveitan ekki sá aðili sem skamma skal. Magma Energy er eini aðilinn sem hefur gert tilboð. Fólkið á að skamma ríkisstjórnina fyrir að ganga ekki inn í samninginn - eða það á að skamma ríkisstjórnina fyrir að breyta ekki löggjöf þannig að ekki megi selja hlutinn til erlends aðila.

Hvernig sem á málið er litið - þá er fólkið á pöllunum að gera hróp að löngum aðilja.

Ein ástæða þess er reyndar augljós og hefur ekkert með sölu Orkuveitunnar á HS Orku til Magma Energy. Það er nefnilega stór hluti sem er að gera hróp að meirihlutanum í borgarstjórn vegna þess að þar er um að ræða stuðningsmenn Samfylkingar, VG og Borgarahreyfingar sem eru að hefja kosningabaráttu fyrir komandi sveitarstjórnarkosningar og vilja fella meirihlutann í borgarstjórn hvað sem það kostar og með hvaða meðulum sem er.

Tvískinnungur Samfylkingar sem er með eina stefnu í ríkisstjórn í málinu og aðra í borgarstjórn undirstrikar þetta. Einnig það að stuðningsmenn VG  beitir sitt fólk í ríkisstjórn ekki þrýstingi til að grípa inn í á þann hátt sem ríkisstjórnin getur gert.

Við eigum eftir að sjá fleiri svona flokkspólitískar uppákomur í vetur af hálfu stuðningsmanna minnihlutans í borgarstjórn.

[Númi (IP-tala skráð) 15.9.2009 kl. 22:47]

Einn mesti kjáni í Pólitík er hér að ofanverðu að reyna yfirklór,en sá kjáni heitir Hallur Magnússon.Dettur þessum Halli ekki í hug að fólk er fyrir þó nokkru síðan búið að sjá í gegnum Framsóknarmafíuna,ójú.Í Borgarstjórn Reykjavíkur situr einn mesti skaðvaldur sem er ekki í fyrsta sinn að sitja í Borgarstjórn,en það er Tækifærissinninn og Hrægammurinn hann  Óskar Bergsson.Þessi Óskar er arkitektin að þessari Borgarstjórn,og nátengdur Finni Ingólfss,og því slekti sem honum fylgir,að mínu mati á ýmislegt eftir að koma í ljós hvern mann þessi Óskar Bergsson hefir að geyma,og hver er fortíð þessa tækisfærissinna.Það er nóg að horfa í sekúndubrot í augu hans og sjá hve dökka áru hann hefur.

[Hallur Magnússon, 15.9.2009 kl. 23:21]

Númi.

Afar málefnalegt innlegg - en það vekur athygli mína að þú gerir ekki athugasemd við eitt einasta orð sem fram kemur í athugasemd minni.

Athyglisvert.

[AK-72, 16.9.2009 kl. 00:00]

Ljótt er það að sjá að bloggarar þeir sem halda síður hér á Moggablogginu, þurfa nú að fá sér spam-vörn fyrir fjölritum þeim sem koma frá spunakerlingum Framsóknar sem nú geysist hér um, líkt og óður héri á flótta.

Mér er svo sérlega heitt í hamsi eftir þennan skrípaleik sem ég varð vitni að í dag, að ef slíkt smjörklípulyga-spam sést aftur hér á síðri vorri, að þá verður lygarokkur Framsóknarmaddömunar og  spunasveina hennar troðið þangað sem sólin skín aldrei á viðkomandi. Það skal svo sérstaklega tekið fram að sem aðili sem starfar við tölvutengd störf þá er þetta meira óþolandi heldur en glottið á Finni Ingólfssyni og Óla Óla þegar þeir stálu Búnaðarbankanum með dyggri aðstoð sömu hórkellingu sem Framsókn kallast.

Og hvað varðar þetta hallærislega innlegg sem dreift er hér út um allt í vörn fyrir óhæfuverk og þjóðníð REI-flokkana sem framið var í dag, þá er það varla svaravert, sérstaklega fyrir þá sem sáu hvaða skrípaleikur fór fram þarna. Ábyrgðin liggur hjá þessum tveimur flokkum þvíí dag ákváðu þeir að selja og samþykktu að selja HS Orku til skúffubraskara og tryggja þeim yfirráðarétt til allt að 130 ára. Þeir sögðu JÁ! Þar liggur ábyrgð þeirra og sérstaklega eftir að hafa sagt líkt og velstýrðar strengjabrúður NEI tvisvar í röð við tillögum sem komu fram um að annarsvegar fresta afgreiðslu þar til nefnd um erlenda fjárfestingar hefði gefið út álit um hvort samningurinn stæðist lög. Síðari tillagan sem þeir sögðu hátt og skýrt NEI við af þjónkun við þá andskota sem þessum brúðum stjórnar, gekk út á það að ganga til samningaviðræðna við ríkið, biðla um lengri frest og tryggja það að þetta héldist í almannaeigu.

Aumur er þinn spuni, svört er sál ykkar og siðrof varð í dag. Ykkur verður aldrei fyrirgefið þetta líkt og annað sem þið Framsóknarmenn og Sjálfstæðismenn hafið gert þjóðinni, helvítis hrunverjarnir ykkar.

Snáfaðu svo í felur í ruslakompu helvítis með þennan spuna þinn og útúrsnúninga. Ég er í engu stuði fyrir svona smjörklípur og "Ekki benda á mig, allt öðrum að kenna"-viðhorfi þeirra sem er í afneitun og/eða siðblindur á sök sína.

[Páll (IP-tala skráð) 16.9.2009 kl. 00:21]

Hallur þessi kemur fram eins og varðhundur Framsóknarflokksins í fremstu víglínu. Verjandi með kjafti og klóm allt sem viðkemur þessu ólæknandi krabbameini í íslenskri pólitík (...Hallur restin af valdaklíkunum er lítið skárri þannig að það gagnast þér lítið að smjörklípast yfir á kratana og sjallana).

En allavega, þú verð þennann gjörning með kjafti og klóm án þess þó að færa rök fyrir því af hverju þessi samningur sé svona æðislega góður eins og haldið er fram???

Það er pjúra Framsóknarskítafýla af þessum samning og eins og AK72 bendir á, þá eru meiri líkur en minni að þarna spili eitthvað baktjaldamakk inn í dæmið og að gömul jafnt og ný Framsóknaröfl komi þar við sögu.

Hvað er annars svona gott við þennann samning Hallur? Við þessa sölu?? 

[Hallur Magnússon, 16.9.2009 kl. 00:41]

AK-72

Afar málefnaleggt innlegg - og skemmtilega orðað - en hvar er athugasemdin við þeim sannleika sem fram kemur í athugasemdi minni?

Páll.

Stíll AZ-72 er nú skemmtilegri - þótt innlegg þitt nái næstum að jafna pistil hans málefnalega umræðu snertir.

En hvar er athugasemdin við þeim sannleika sem fram kemur í athugasemdi minni?

[Sigurður Ingi Jónsson, 16.9.2009 kl. 00:57]

Tek undir hvert orð AK-72, en hef að auki myndað mér sjálfstæða skoðun á málinu. Dýr verður framsóknarmaddaman öll.

Hvað Hall áhrærir, þá er honum greinilega umhugað um að einhver gagnrýni athugasemdir hans. Gott og vel, það þarf einhver að fara út með ruslið.

Meirihlutinn í Reykjavík samþykkti sölu á hlut OR í HS Orku til skúffufélags í Svíþjóð. Þessi gjörningur var samþykktur þrátt fyrir vitneskju um 65+65 ára einkaleyfi á nýtingu auðlinda, þrátt fyrir að frestur Samkeppnisstofnunar rynni ekki út fyrr en um áramót og allar líkur á að hann yrði framlengdur í ljósi aðstæðna, þrátt fyrir vitneskju um að ríkisstjórnin var ekki í stakk búin til að ganga inn í kaupin á þessari stundu en viljayfirlýsing lá fyrir um að finna innlenda fjárfesta. 

Meirihlutinn samþykkti þessa sölu. Það gat enginn annar samþykkt þessa sölu. Allt tal um að verið sé að gagnrýna ranga aðila er aumt yfirklór.

Samningurinn allur er þannig saman settur að ómögulegt hlýtur að teljast að það séu aðeins "ráðgjafarnir" hjá Arctica Finance sem fá feitar sporslur fyrir aðkomu sína að málinu. 

[Hallur Magnússon, 16.9.2009 kl. 01:06]

Sigurður Ingi.

Þú gefur þér að samkeppnisyfirvöld myndu framlengja frestinn. Hvaða tryggingu hefur þú fyrir því?

Ekki gleyma að allar líkur voru á því að Orkuveitan yrði að kaupa allan hlut Hafnarfjarðarbæjar - þótt hún mætti ekki eiga hann. Slíkt hefði kallað á veruleg fjárútlát OR - sem hefði komið niður á Orkuveitunni sem er í samfélagsleggri eigu.

Ef ríkisstjórnin hefði ætlað að koma að kaupum að hlutnum í HS Orku - þá hefði fjármálaráðherra verið í lófa lagið að gefa Orkuveitunni yfirlýsingu um að Orkuveitunni yrði sala á hlutnum á ekki lakari kjörum en tilboð HS Orku sagði til um.

Ríkisstjórnin vildi ekki gefa út slíkt vilyrði - enda ætlaði hún aldrei að ganga inn í hlutinn enda Samfylkingin í ríkisstjórn meðmælt því að selja hlutinn erlendum einkaaðiljum. Það kom ma. fram hjá iðnaðarráðherra.

Það er því allt of mikil áhætta fyrir Orkuveituna að selja ekki núna  - en eiga á hættu að selja á raunverulegri brunaútsölu 31, des.

En takk fyrir svarið.

Reyndar hrekur þú ekki nokkurn skapaðan hlut í athugasemdinni - en það er annað mál.

[Sigurður Ingi Jónsson, 16.9.2009 kl. 01:16]

Hallur,

Ég hrek það sem skiptir máli í athugasemd þinni.

Kjarninn í henni var að gert hafi verið hróp að röngum aðilum í dag. Það er ekki rétt. Það var meirihlutinn í borgarstjórn sem hafði ákvörðunarvald um hvort salan gengi í gegn eða ekki. Þessi meirihluti ákvað að selja. Hróp voru gerð að þeim fyrir það.

[Steingrímur Helgason, 16.9.2009 kl. 01:17]

Hallur, aumur er þinn malflutníngur, aumara þitt andzwar, það enda hið sama sem ég hef nú lezið víða.

Lygi verður ekki zannleikur, þó hún zé margendurtekin.

Er ekki þurrt í þínum munni að mala endalauzt þezza 'útrázarframzóknarmennzlu' ?

Einu zinni ztóð Framzókn fyrir þjóðlegum gildum, Bændaflokkurinn gamli.

Guðni farinn, Bjarni Harðar líka, nú eruð þið einir eftir, einu vinir einkavæðíngarinnar eltíngarleikzinz við 'zjallanna' eftir, & keppizt við að benda á aðra zwo að enginn finni Finn & ykkur hina, rjómakútanna þeirra.

Púkkið upp á formann zem að aldrei hefur verið í neinni alvöru vinnu, eða haft fyrir því að borga zkatta af launum, af því að konan hanz hefur það zwo fínt af zínum lítt zköttuðu fjármagnztekjum.

Ég aumkva þig, & þitt mal.

[Hallur Magnússon, 16.9.2009 kl. 01:23]

Zteingrímur.

Er þér eitthvað illa við s?

Átta mig reyndar ekki hvað innlegg þitt hefur með frumathugasemd mína að gera.

Sigurður Ingi.

Nei, þú hefur ekki hrakið það sem skiptir máli í athugasemd minni.

Af hverju gerir þetta fólk ekki hróp að ríkisstjórninni og sveitarfélögunum á Suðurnesjum?

Svarið er í niðurlagi mínu:

"Hvernig sem á málið er litið - þá er fólkið á pöllunum að gera hróp að löngum aðilja.

Ein ástæða þess er reyndar augljós og hefur ekkert með sölu Orkuveitunnar á HS Orku til Magma Energy. Það er nefnilega stór hluti sem er að gera hróp að meirihlutanum í borgarstjórn vegna þess að þar er um að ræða stuðningsmenn Samfylkingar, VG og Borgarahreyfingar sem eru að hefja kosningabaráttu fyrir komandi sveitarstjórnarkosningar og vilja fella meirihlutann í borgarstjórn hvað sem það kostar og með hvaða meðulum sem er.

Tvískinnungur Samfylkingar sem er með eina stefnu í ríkisstjórn í málinu og aðra í borgarstjórn undirstrikar þetta. Einnig það að stuðningsmenn VG  beitir sitt fólk í ríkisstjórn ekki þrýstingi til að grípa inn í á þann hátt sem ríkisstjórnin getur gert.

Við eigum eftir að sjá fleiri svona flokkspólitískar uppákomur í vetur af hálfu stuðningsmanna minnihlutans í borgarstjórn."

[Sigurður Ingi Jónsson, 16.9.2009 kl. 01:28]

Hallur, 

Þú ert framsóknarmaður fram í fingurgóma. 

[Einar Karl, 16.9.2009 kl. 09:10]

Hallur,

fólk var að mótmæla því að borgarstjórn Reykjavíkur var að staðfesta sölu OR á hlut í HS Orku til sænsks skúffufyrirtækis í eigu kanadísks auðjöfurs og annarra óþekktra aðila.

Það var ekki ríkisstjórnin, samkeppnisstofnun, Reykjanesbær, Hafnarfjörður, eða guð almáttugur sem gekk frá þessari sölu.

OR/borgin kom sér í þessa stöðu, það er fyrst og fremst þeirra að leysa hana. Ég og að virðist langflestir íbúar borgarinnar erum ÓSÁTT við þá aumu "lausn" sem liggur fyrir.

Og í guðanna bænum, ekki ásaka ak-72, mig eða aðra um FLOKKSPÓLITÍK fyrir það að við leyfum okkur að mótmæla þessu!  

Það eru ekki allir alltaf með hugann fastan í flokkspólitík.

[Kolbeinn Pálsson, 16.9.2009 kl. 20:28]

Óþjóðhollt fólk.

Staðgreiðsla,ef á að selja, ekkert annað til umræðu!

Stórfyrirtækið MAGMA, svo framarlega sem það er í lagi fjárhagslega, hefði farið létt með að taka lán og staðgreiða okkur.

Ef þeir hinsvegar ætla ekki að borga, er samkomulagið eins og best er á kosið að útrásarvíkinga hætti. 

Fá þeir sem kvittuðu upp á þetta fyrir Íslands hönd kannske stóran og hugsanlega órekjanlegan skattfrían bónus fyrir að bjarga þjóðinni með sinni afburðasnilld? 

[Guðrún Hlín (IP-tala skráð) 16.9.2009 kl. 20:51]

Það er dapurt að sjá hvernig þessir þjóðníðingar skulu alltaf poppa upp innan framsóknarflokks. Það verður áhugavert að sjá hvernig þeir koma út úr næstu kosningum?????

[Óskar Þorkelsson, 16.9.2009 kl. 21:18]

Það er gott að búa í noregi.......