Beinar aðgerðir gegn áróðursriti hrunvaldsins mikla: Morgunblaðinu

Þar sem Morgunblaðið hefur orðið að áróðursmiðli fyrir þá sem settu þjóð vora á hausinn, náhirðararm Sjálfstæðisflokksins sem inniheldur nokkur mestu fól Íslandssögunnar og er kennd við hinn nýja ritstjóra Morgunblaðsins sem ber hvað mesta ábyrgð á efnahagshruninu. Samviska flestra getur varla að boðið upp á fátt annað en að grípa til einhverra aðgerða gegn þessum dána fjölmiðli sem risið hefur upp sem áróðursrit í anda Pravda, Fox News og Der Sturmer, því varla vill fólk halda áfram að styðja við bakið á þeim sem orsökuðu gríðarlegar byrðar á bak þeirra(og þá erum við ekki bara að tala um gjaldþrot Seðlabankans og afskriftir til handa Árvakri).

Hérna eru nokkur ráð til fólks um hvað skal gera og er ágætt ef fleiri koma þessum skilaboðum til ættingja og vina:

• Segið áskrift á Morgunblaðinu upp. Hringið  í 569-1100 eða sendið póst á [e-mail]. Þið sparið pening á þessu sem nýtist í margt betra svosem niðurgreiðsla hækkandi reikninga, þökk sé hinum nýja ritstjóra Morgunblaðsins.
• Hættið að skoða mbl.is. Vefurinn verður verðminni í augum auglýsenda og auk þess verður ekkert að marka fréttir þaðan, enda skrifaðar fyrst og fremst með hagsmuni Sjálfstæðisflokksins og náhirðarinnar í huga.
• Hættið að blogga á mbl.is-Í hvert sinn sem þið bloggið og einhver skoðar, þá sýnir það aðsókn sem telur þegar kemur að vinsældum vefjar. Það gerir áróðurssíðunni kleift að selja auglýsingar, peningar sem nýtast við það starf að koma óvinum íslensku þjóðarinnar til valda á ný í gegnum áróður Morgunblaðsins.
• Hættið að skipta við fyrirtæk(ef þið komist hjá þvi) sem auglýsa í morgunblaðinu. Þið sendið ákveðin skilaboð til þeirra, að þið viljið ekki versla við fyrirtæki sem auglýsa hjá miðlum sem ástunda áróður fyrir náhirð Davíðs Oddsonar sem færði okkur miklar hörmungar. Það gerir Mogga-ósómanum enn erfiðara fyrir vik til að réttlæta veru þessa þjóðníðings á ritstjórastól.
• Hundsið blaðamenn Morgunblaðins-Þetta eru ekki "blaðamenn" heldur eru þetta starfsmenn Sjálfstæðisflokksins og náhirðarinnar fyrst og fremst. Allar upplýsingar sem þið veitið þeim, eru nýttar í pólitískum tilgangi og valdatafli og gætu nýst gegn ykkur eða fyrirtækjum ykkar sem Davíð Oddsyni er illa við. Einnig er hugsanlegt að þessar upplýsingar rati til þeirra sem eru í náðinni hjá honum og hans fólki.
• Hættið að senda fréttatilkynningar til Morgunblaðsin og annað slíkt. Þannig hafa þeir ekkert til að segja frá eða gera sér mat úr.Skerið á allt upplýsingaflæði og hundsið þá.
• Sendið póst á þingmenn og ráðherra með kröfum um að rannsakað verði hvernig salan á Árvakri kom fram, sérstaklega þar sem ákveðið var að ganga framhjá aðilum sem tilbúnir voru til þess að greiða allar skuldir en gengið til samninga við innvígða Sjálfstæðismenn og 3-4 milljarðar afskrifaðir yfir á breitt bak almennings.

Ég vona að þið sem ábyrgir þjóðfélagsþegnar og fórnarlömb hrunsins, sýnið að þið séuð búin að fá nóg af hrunvaldinum Davíð Oddsyni og náhirð hans sem telur m.a. Kjartan Gunnarsson IceSave-kóng, og grípið til einhverra aðgerða. Sýnið að þið séuð ábyrgir neytendur sem sættið ykkur ekki við að mönnum sem hafa gert þjóð vora gjaldþrota, sé hleypt í valdastóla á ný og leyft að fara fram með hermdarverkum á nýjan leik gegn íslensku samfélagi.

Ykkar er valdið, ykkar er valið og ykkar er samviskan. Sjálfur hef ég hætt að nota mbl.is sem fjölmiðil enda ekki trúverðugur sem slíkur og ætla að færa mitt blogg eitthvert annað. Þetta er því mitt loka-orð fyrir utan tilkynningu síðar, á þessum vettvangi og þakka ég flestum fyrir samveruna og skoðanaskipti, með von um að flestir sjái sér fært að flýja þetta svæði um aldur og ævi, ef hrunvaldurinn mikli verður festur hér til eilífðar á krossinum sínum í afneitun.

Adios.

Athugasemdir

[mamman (IP-tala skráð) 25.9.2009 kl. 19:45]

.... og þú ert örugglega hættur að versla í Bónus? Ha?

[Hörður Einarsson, 25.9.2009 kl. 20:46]

Löngu hættur að versla í "Bónus", var að gerast áskrifandi að Mogganum!.

(að nýju)

[JR (IP-tala skráð) 25.9.2009 kl. 21:24]

Er með tillögu, villtu koma með í að við sækjum ICESAVE liðið og förum með það niður á alþingi til þeirra sem þykjast vera að vinna að okkar málum ?

Við þurfum að sækja þetta ICESAVE lið !

Veistu það, að einn að þeim sem er í eigenda liði Morgunblaðsins er úr þessu ICESAVE liði !

Heldur þú að Morgunblaðið segi okkur rétt frá ??????????

[JR (IP-tala skráð) 25.9.2009 kl. 23:25]

Ég vil endurtaka sprurningu mína, ertu tilbuin að kom með og við tökum þetta lið ???????????

[Kristinn Pétursson, 26.9.2009 kl. 00:01]

Ertu að meina Icesave liðið sem vill endilega hlaða þessum drápsklyfum á almenning?

[Ómar Bjarki Kristjánsson, 26.9.2009 kl. 02:02]

Hver heldurðu að vilji icesave ?  Hverskonar tal er þetta.

Tja það væri þá helst sjallar enda bankinn þeirra sem vélaði evrópska sparifjáreigendur með gylliboðum til að leggja sparifé sitt inní botnlausa óstjórn og fjármálaóreiðuhýt sjalla.  Þegar þeir gerðu þetta veðsettu þeir jafnframt þjóðina fyrir lánunum.  Það lá alla tíð fyrir að ef illa færi mundi Ríkið verða ábyrgt fyrir lágmarkinu.  Lá alla tí fyrir.

Þetta vissu auðvitað sjallar manna best enda sömdu þeir um málið fyrir tæðu ári síðan.

[Sveinn (IP-tala skráð) 26.9.2009 kl. 10:14]

Mikið verð ég feginn þegar ég þarf ekki lengur að sjá ruslið frá þér og

hinum Bónuspennunum á Mbl.is. Endilega farðu að skrifa hjá þínum andlegu jafningjum

á DV. Gerðist áskrifandi að Mbl í gær.

[Gunnar G (IP-tala skráð) 26.9.2009 kl. 12:30]

Það er lítill missir af bloggi eins og þínu sem inniheldur litla skynsemi og lítinn skilning á atburðum líðandi stundar. Vertu bara fastur í þínum vinstri sinnaða hugsanahætti sem ef fram nær að ganga mun ganga af landinu endanlega dauðu á komandi árum. Gleymdu svo ekkiað árin 1993-2005 voru mestu uppgangsár sögunnar og aldrei hafa lífskjör batnað jafn mikið og það var svo sannarlega ekki að þakka vinstrisinnaðri hafta og míkróstjórnunarstefnu. Þær framfarir og infrastructure verður ekki af okkur tekið, þrátt fyrir hrunið. Hrunið sem gerist upp úr 2005 er fyrst og fremst FME að kenna en ekki Davíð, sauðurinn þinn.

[Snjáfríður Árnadóttir (IP-tala skráð) 26.9.2009 kl. 15:09]

Hahah er þetta nú ekki orðið svolítið þreytt...þessi múgæsing og þetta tæra HATUR!!!!  Ef einhvern væri hægt að kalla NÁHIRÐ er það Vinstri Grænir...bera það nafn með rentu...öll kosningarstefnan eins og hún lagði sig dauð og ómerk og foringinn búin að selja sál sína eins og Faust.  Dabbi kallinn er aftur á móti búin að hala inn mikið fleiri áskriftum að Mogganum en sem nemur hinu leiðitama uppsagnarliði, sem vill bara heyra eina rödd...sért er nú hvert frelsið enda kennimeistararnir best þekktir fyrir leynd, pukur og sögufölsun.  Davíð er aftur á móti langsterkast leiðtogi og farsælasti stjórnmálamaður sem við höfum átt...og auðvitað næðir um hann því það er kalt á toppnum.  Hann var sá EINI sem reyndi að vara þjóð og banka við...sagði blákalt að Seðlabanki myndi ekki bjarga þeim ef illa færi (enda vissi hann að hann var þess ekki megnugur).  Hann tók sinn smáaur út úr Kaupþing til að mótmæla sukkinu sem þar grasseraði og allit töldu tæra snilld o.fl., o.fl.  Hver hlustaði????  Ef Davíð væri í forsætisráðherrastól værum við ekki að semja um Icesave, það væri í öðrum og réttlátari farvegi...og málstað okkar væri haldið hátt á lofti erlendis + HANN VÆRI EKKI Í FELUM !!!

[Finnur Bárðarson, 26.9.2009 kl. 15:56]

Jæja þá eru nafnleysingjarnir komnir á kreik með sínar djúpvitru athugasemdir.

[Jón Snæbjörnsson, 26.9.2009 kl. 19:11]

ágætis ábendingar, ég kýs þó að geta valið sjálfur- velti þó fyrir mér eins og einvher hér fyrir ofan spyr um = Ertu hættur að versla hjá félögum tengdum þeim feðgum Jóni og Jóhannesi kenndum við Bónus eða Hagkaup eða Haga eða eða eða eða eða eða eða eða eða ?