Velkominn í ReykjaNazibæ!

Ef þessir Reykjanesbæingar eru ekki misþyrmandi fólki með barsmíðum þá eru þeir nauðgandi og jafnvel myrðandi saklaust fólk. Þessir helvítis Reykjanesbæingar eru til vandræða hvar sem þeir koma. Það er varla þorandi niður í miðbæ fyrir öllum þessum brjáluðu Reykjanesbæingum sem ráðast á fólk og misþyrma fyrir það eitt að vera Reykvíkingur. Konum er ekki óhætt að vera á ferðinni vegna nauðgaragengja Reykjanesbæinga.

Ef allt væri í samræmi við fullyrðingagleði fólks í dag þegar kemur að útlendingum, væri maður búinn að sja´yfir 100 svona blogg í dag með þessum frösum, yfirlýsingar frá hneyksluðum og holier than thou formönnum ungliðahreyfinga og stríðsfyrirsagnir á fordómafulla Fréttablaðinu og visir.is. En nei, rétt svo aðeins hefur heyrst af því þegar 15-20 manna hópur Íslendinga réðst á Pólverja í gær vegna þjóðernis þeirra og því að pólskur kalrmaður er í haldi, grunaður um að hafa ollið hörmulegum dauðdaga ungs drengs með gáleysislegum akstri. Með þessum ógeðfellda verknaði hefur þessu liði tekist að saurga minningu saklaus drengs sem hefur örugglega aldrei viljað neinum illt. Ég stórlega efast þar að auki að ættingjar drengsins séu heldur eitthvað ánægðir með þetta framtak hópsins.

Einnig mátti sjá hér á Moggablogginu, færslu um að pólsku barni væri útskúfað vegna þessa máls. Þó er þetta greinilega ekki fyrsta dæmið um að þjóðernistengt hatur sé að færast í vöxt í Reykjanesbæ, skemmtistaður hefur útskúfað útlendingum og Íslendingum og Pólverjum hefur áður lent saman þar.

Því miður er þetta ekki fyrir það fyrsta, fyrsta ofbeldisverkið sem er framið vegna þess að viðkomandi er erlendur borgari. Nýverið má sjá bloggfærslu hjá bloggvinkonu minni sem lýsir því þegar manni hennar var misþyrmt er hann fór út í búð og nýverið voru tveir menn dæmdir fyrir að hafa ráðist á erlendan mann, eingöngu vegna þess að hann var ekki íslenskur.

Þetta er bara nokkuð í takt við þróunina sem er búinn að vera síðan Frjálslyndir hófu umræðuna sína um innfytjendur, umræðu sem hefur að mestu snúist um neikvæðni í garð innflytjenda af hálfu fjölda fólks sem virðist sumir hverjir vera gegnsýrðir af hatri og fordómum. Og ekki bætir fréttaflutningur sem nærist á æsifréttamennsku og fordómafullum alhæfingum ástandið, líkt og má sjá á Fréttablaðinu þessa daganna þar sem skellt er fram stríðsfyrirsögnum í neikvæðum dúr um innflytjendur en svo þegar skoðað er nánar eins og t.d. Toshiki Tama benti á með hentihjónaböndin:

Sem sagt, meðal 552 útgefna dvalarleyfa á þessu ári, var tveimur umsóknum synjað. Og nokkur eru nú í skoðun en engin hugmynd um hve margar umsóknar eru að ræða. Og yfirskrift í forsíðu blaðsins er “málmyndahjónaböndum hafi fjölgað mjög”.

Ekki er þetta þó eina dæmið með vafasaman fréttaflutning hjá Fréttablaðinu heldur má einnig benda á talnavíxl hjá þeim varðandi glæpi sem þeir tróðu svo pinkulítilli leiðréttingu inn daginn eftir og stuttu seinna skellt inn mynd af Litháa og kvartbls frétt um að hans væri leitað vegna nauðgunar. Ef maður hefði ekki óvart rekið augun daginn eftir í eitthvern flugnaskít í blaðinu, þá hefði maður ekki vitað að maðurinn hefði gefið sig fram við lögreglu og verið svo sleppt stuttu síðar þar sem lögreglan taldi ekki ástæðu til að halda honum. visir.is hafði þó birt frétt um það en þar hafði maðurinn verið handtekinn, nokkuð sem stangaðist á við frásagnir allra ananra fréttamiðla. Mjög ámælisverð vinnubrögð og miðað við fréttaflutning blaðsins þá mætti halda að einhverjir væru komnir í krossferð til verndar íslenska kynstofninum, þeim hin sama og Hitler taldi æðstan en eftir skoðunarferð Himmlers var ákveðið að leita frekar að honum í Tíbet.

En svo við snúum okkur aftur að atburðunum í Reykjanesbæ, þá var árásin framin af hluta til mönnum sem tengjast félagi sem kallar sig ÍFÍ: 'Island Fyrir Íslendinga, og virkar eins og skátahreyfing hjá ungliðahreyfingu Frjálsynda flokksins en formaður ungra Frjálslyndra fer oft a´tíðum hamförum í lýsingum sínum á hvað útlendingar eru vondir. Fyrir okkur sem þekkjum söguna þá er þetta því miður við allt sama og fyrr á tímum, sömu frasarnir hljóma og fordómarnir stigmagnast sem minnir á tíma kynþátta og þjóðernisofsókna sem hafa átt sér stað um allan heim með tilheyrandi ofbeldi og þjóðarmorðum í öfgakenndustu tilfellunum. Mannskepna virðist nefnilega aldrei læra og Íslendingar sem lesa aðeins fyrirsagnir og taka þeim sem sannleik eru engu betri heldur en aðrir sem hafa gleypt við fræjum fordóma í gegnum tíðina, sérstakelga þar sem ótti við allt sem erlent er, virðist vera innbyggður í íslenska þjóðarsál.

Að lokum segi ég, að ef ástandið þróast enn meira í þessa áttina að útskúfun og ofbeldisverk gagnvart Pólverjum fer að aukast í Reykjanesbæ, þá er stutt í fyrstu nauðgun Íslendinga vegna þjóðernishatur og loks jafnvel hatursmorðs. Svona hatursglæpi ber að stoppa í fæðingu áður en það verður of seint. Ef ekkert gerist þá megum við eiga von á því að Árni Sigfússon bæjarstjóri neyðist til að breyta skiltunum rétt áður en maður kemur til bæjarins í þennan texta:

Velkominn í ReykjaNazibæ! 

Athugasemdir

[AK-72, 6.12.2007 kl. 19:17]

Þessir aðilar eru ábyrgir, á því leikur enginn vafi í huga mínum. Menn hafa þar að auki verið handteknir, rannsakaiðir og dæmdir fyrir hatursáróður í gegnum tíðina sem ber oft sömu merki og sést í málfutning vissra manna og fréttamiðla og má t.d. nefna að Julius Streicher(ef nafnið er rétt munar) var einmitt dæmdur fyrir það í Nuremberg en hann drap ekki neinn heldur hélt úti dagblaði og loks sá um andgyðingslegan áróður fyrir Göbbels. Einnig voru þrír útvarpsmenn dæmdir eftir hörmungarnar í Rúanda þar sem þeir héldu úti stöðugum áróðri gegn Tútsum sem þeir kölluðu kakkalakk og aðstoðuu þannig við að skapa rétt andrúmsloft og losa um siðferðislegar hömlur fólks til grimmdarverka.

Áróðurstæknin sem menn beita, kallast Að skapa óvin og fylgir sömu formúlunni þar sem viðkomandi þjóð,þjóðarbort, kynþáttur eða ættbálkur er gerður djöfullegur í augum og eyrum flestra og einmitt reynt að tengja sem mest við allt það versta sem okkur dettur til hugar. Fókusinn færist á hópinn sem samfélagið á að hata, og þeim verður kennt um allt vont. Næstu skref eru það að fólki finnst sá hópur ekki eiga skilið öll réttindi, það sé í lagi að meðhöndla þá öðruvísi því þeir séu ekki fólk í þeim skilningi, ofbeldi byrjar svo í kjölfarið og ofsóknir. Þetta stigmagnast svo upp í hreinar þjóðernisofsóknir og að lokum ef allt grasserar í rétta átt:þjóðarmorð.

[AK-72, 7.12.2007 kl. 14:43]

Ég stórlega efast um að þetta myndi ná þjóðarmorðastemmingunni hér en aftur á móti kæmi það manni ekki á óvart að þetta myndi enda með hefndarnauðgunum eða  morðum vegna þjóðernisofsókna. Þá myndu Íslendingar ansi margir ranka við sér en skaðinn væri skeður og  það óafturkrefjanlegt.

 Svo var annar punktur sem mér var bent á með þetta á Suðurnesjum. Lögreglan hefur verið alveg yfri sig fjölmiðlaglöð með upplýsingar um Pólverjann en þegar kemur að ofbeldisárásinni á Pólverjanna o.fl., þá vilja þeir ekki segja neitt. Hvern er verið að verndda og hvern er verið setja í enn verri stöðu? Ef lögreglan er svona dugle að upplýsa um hluti þá eiga þie rhiklaust að láta vita af hinu til að hindra að ofbeldi í garð útlendinga aukist en ekki þaga yfir gjörðum samlanda sinna nema ástæðan sé sú, að þeir vilji að barið verði á "helvítis úteldningunum" vegna þessa máls.