Það sem FME og bankarnir segja ekki

Þegar ég var að velta fyrir mér sannleiksgildi þessarar sögu um að verið væri að fella niður skuldir starfsmanna bankans, þá var sett eftirfarandi athugasemd frá manni nokkrum að nafni Gestur H.:

"Úr því að þú vitnar í athugasemd mína verð ég að koma að smá komment. Það er ekki verið að "fella niður lán" í eiginlegum skilningi. Veit reyndar ekki hvað Bankamaður á við með að "losa ákveðinn hóp undan skuldbindingum" en ljótu dæmin sem ég hef fregnir af eru svona:

Maður kaupir hlutbréf með láni frá banka. Hlutabréfin verða verðlaus við bankahrunið en krafan frá Gamla Banka er enn til staðar. Hana þarf að greiða. Hann á (eða stofnar) einkahlutafélag og fær síðan bankann til að flytja lánið af sinni kennitölu yfir á ehf félagið sitt. Veðið fyrir láninu eru hlutabréfin, sem núna eru orðin verðlaus og eru líka færð yfir á ehf. Krafan gjaldfellur en einkahlutafélagið á engar eignir og getur ekki borgað. Það er lýst gjaldþrota, engar eignir í búinu og bankinn tapar kröfunni. Maðurinn sjálfur sleppur og borgar ekkert.

Þannig losnar lántakandinn undan því að borga. Ef þú eða ég færum og bæðum um að færa skuldir okkar yfir í ehf sem á engar eignir og engin veð væri hlegið að okkur og okkur vísað út. Það er með algjörum ólíkindum að menn geti, stöðu sinnar vegna, hagrætt málum með þessum hætti. Get ekki ímyndað mér að það sé löglegt. Vitneskju mína hef ég frá tveimur mönnum sem eru báðir "háttsettir í kerfinu" og er þessa stundina að leita eftir skriflegum staðfestingum þó ég dragi orð þeirra ekki í efa. Dæmin sem Bankamaður vísar í kunna að vera annars eðlis.

Sumir hafa notað sömu aðferð og bankastýran sem týndi bréfunum sínum ætlaði að gera, þ.e. að nota ehf í sinni eigu til að kaupa bréfin. Þeir geta látið félagið sitt fara á hausinn. Einhverjir gætu samt þurft að "bjarga" alvöru verðmætum úr þeim fyrst, en um það gilda líka reglur. Einnig gætu þeir fengið skattinn á sig ef þeir hafa notið sérkjara eða vaxtaleysis - þann þátt þekki ég ekki nógu vel. Væri fróðlegt ef einhver sem er snjall í skattareglum ehf-félaga veit hvort slík hlunnindi fylgi ekki eigandanum þó hann stofni ehf um hlutabréfakaupin sín. Hvað sem öðru líður þá er skítalykt af málinu. Og það eru hreint ekki litlar upphæðir sem hér um ræðir."

Í dag birtist frétt um að tveir starfsmenn Kaupþings hefðu stofnað ehf. rétt áður en bankinn var yfirtekinn og hafði annar þeirra náð að framkvæma þessa brellu. FME segir ekki aukatekið orð um þetta né heldur Kaupþing, að svona hafi þetta verið framkvæmt og í raun er það eina sem sagt er, að skuldirnar séu eign hins nýja banka. Annað er svo loðiið að mörgu leyti að það hálfa væri nóg.

Ég játa að að mér finnst þetta vera fyrirsláttur og það sé verið að reyna að kaupa sér tímabundin frið. Maður trúir ekki einu orði sem kemur frá bönkunum í dag, Seðlabanka, FME o.lf. vegna þess að þessir aðilar hafa logið svo mikið að okkur og eru þessa daganna að reyna að bjarga eigin rassi. Fjölmiðlar hafa sofið á vaktinni og eftir leynifund ritstjóranna og útvarpstjóra á maður erfitt með að trúa því sem kemur þaðan þessa daganna. Enda er ég kominn á þá niðurstaða að yfirmennirnir í bönkunum og FME verði að víkja strax frá störfum og fá traustverða menn til að rannsaka svona hluti. Persónulega sting ég upp á Vilhjálmi Bjarna, treysti honum til þess en aðra veit ég ekki um, enda ekki skrítið.

Allt traust er nefnilega farið.

 

FME hefur ekki samþykkt niðurfellingu skulda

Athugasemdir

[AK-72, 3.11.2008 kl. 18:24]

Úff, ég var að sjá þetta hjá RÚV.

Stundum verður maður einhvern veginn meira en orðlaus og reiður. Og ef þetta var svona hjá Kaupþing, hvað þá með hina bankana?

[Óskar Þorkelsson, 3.11.2008 kl. 18:50]

Spilling... spilling og meiri spilling hér í Þorskistan !  ömurlegt þjóðfélag þegar farið er að velta við steinum.... 

[Neddi, 3.11.2008 kl. 18:58]

Ef landsmenn verða ekki brjálaðir við að fá svona fréttir þá held ég að þeim sé ekki viðbjargandi. Hausar þurfa að fara að fjúka og það strax.

[AK-72, 3.11.2008 kl. 19:17]

Stöð 2 búið að staðfesta þetta.

Ég veit eginlega ekki hvað ég á að segja í framhaldi, maður er eiginlega ringlaður og búinn að missa trúna á öllu algjörlega.

[Óskar Þorkelsson, 3.11.2008 kl. 19:20]

ég missti trúnna á íslandi árið 1996.. kom heim aftur 2005 vegna þess að ég er greinilega með gullfiskaminni á spillinguna... 

[Guðmundur Ásgeirsson, 4.11.2008 kl. 01:45]

Kveikjum í sumarbústöðunum þeirra...?

[Auðunn Atli (IP-tala skráð) 4.11.2008 kl. 08:24]

Hvernig er það er þetta ekki brot á mannréttindum, er ekki hægt að fara einhverstaðar í mál útaf svona ofbeldi?

Það eru margir steinar sem enn á eftir að velta í þessum bankamálum og ansi er maður hræddur um að þetta sé aðeins toppurinn af ísjakanum. Ætli æðstu menn landsins hafi líka eitthvað að fela, hafa þeir sjáfir verið að braska í skjóli bankana, ætli það sé ástæðan fyrir því að stjórnarandstaðan fái lítið sem ekkert að vita fái ekki að vera með ? Mikið óskaplega er manni farið að gruna ýmislegt og núna skulu þessir ráðamenn hætta þessu blaðri um að fólk eigi að standa saman og vera gott við hvort annað og koma fram og seigja landanum einu sinni satt og rétt frá. Nú er kominn tími til að Sjálfstæðismenn hætti að ljúga af þjóðinni, nú er komið nóg, maður er orðin lamaður af viðbjóð í garð þessara manna.

[Vésteinn Valgarðsson, 4.11.2008 kl. 10:14]

Auðvitað geta menn hagrætt, stöðu sinnar vegna. Það er nú pointið með því að vera í yfirstéttinni.

Það er eiginlega hætt að koma mér á óvart, upp á hverju þessir menn taka.

[Arnar Geir Kárason (IP-tala skráð) 4.11.2008 kl. 12:48]

Það er ljótt að segja frá því en það kvikna upp í hausnum á manni nokkur ljót orð sem væru tilvalin fyrir þessa menn ef maður vissi ekki betur en að hallmæla öðru fólki.

Það er hinsvegar staðreynd að það er ekki hundi bjóðandi að búa á þessu skeri lengur.  Það er bara tvennt í stöðuni.  Flytja burt úr landi, eða að þetta land drullist til að sýna samstöðu og geri eitthvað í málunum.  Ef þetta væri gert í frakklandi þá væri búið að kveikja í öllum útibúum bankana, sekúnduna sem að lögreglan myndi þora að skipta sér að yrði kveikt í öllum lögreglustöðum líka.   Hér á landi eru allir svo hræddir við það að einhver löggi mann komi og skammi þá að það ÞORIR enginn að gera neitt.   Ég er ekki að leggja til að við eigum að fara að kveikja í bönkunum en ég held það sé allavega mál til komið að nokkur hundruð manns skundi niður á alþingi og tilkynni mönnunum þar að þeir geti labbað út eða það verði haldið á þeim út.

[Arnar Geir Kárason (IP-tala skráð) 4.11.2008 kl. 14:51]

Spámaður villtu ekki prófa að hrista kúluna aftur og athuga hvort það komi ekki eitthvað gáfulegra og skemmtilegra útúr þér ?