Loka-útkall í Project 100 heimildarmyndatöku á Menningarnótt

Jæja, gott fólk. Nú eru síðustu forvöð til að skrá sig til þáttöku í Project 100 á Menningarnótt. Við ætlum að taka upp tónleikana á Klambratúninu með þáttöku almennings. Nánari upplýsingar má finna á www.projecthundred.com og þar er einnig hægt að skrá sig. Ég ætla svo að biðja svo það fólk sem eki hefur fengið staðfestingu að annað hvort reyna að skrá sig aftur eða senda tölvupóst af síðunni þar sem skráningarformið hefur verið að stríða okkur við og við. Ef það eru einhver vandræði enn, er hægt að senda mér póst á [e-mail]. 

Opið bréf til borgarfulltrúa Sjálfstæðisflokks

Nú get ég ekki lengur bundist orðum yfir framgöngu og framferði ykkar, eftir að hafa horft á ofsaakstur Hönnu Birnu úr ráðhúsinu, laumupúkahátt bakdyramegin úr Ráðhúsinu og svaraleysi ykkar þegar beðið er um svör hvað sé í gangi. Þið skuldið borgarbúum skýringar á hvað er að gerast því þið eruð í vinnu fyrir OKKUR BORGARBÚA, ekki fyrir flokkinn, ekki fyrir sjálfa ykkur og ekki fyrir hagsmuna-aðila á borð við verktaka sem vilja fá Bitruvirkjun eða Listaháskólann á borð til sín í kreppunni. Við borgarbúar viljum svör um hvað sé að gerast í þessum skrípaleik sem þið hafið komið af stað í þessum farsa valdagræðgi  og við viljum einnig fá SKÝR SVÖR um hvort við séum að fá enn einn borgarstjórameirihlutann og SKÝR SVÖR um hvers vegna þið teljið ykkur fært á að sitja áfram. Meira að sgja einn af ykkar mönnum er greinilega búinn að fá nóg og er að flýja land frá ástandi sem lætur ítölsk stjórnmál líta út eins og Þingvallarvatn á lygnum degi.

Einnig vill ég sem borgarbúi fá að vita sannleikann um hvað veldur þessi upphlaupi nú og engar refjar.  Þið kvittuðu upp á samkomulag þar sem talað var um að varðveita götumynd við Laugaveg en þegar hönnuðir Listaháskóla skila af sér kubbaskrímsli sem stendur í stúf við umhverfið, þá er stefnu-yfirlýsing ykkar ekki þóknanleg. Eru það hagsmunir verktaka í miðbænum og Landsbankamanna sem valda þessu upphlaupi nú hjá ykkur?

Einnig berast fréttir af því að að aðalástæða þessarar skyndilegu skrípaláta ykkar, að það sé vegna ráðningu manns sem fyrrum formaður flokksins ber heift til go hans fylgismenn. ER ÞAÐ RÉTT?? Ef svo er, eruð þið að þjóna hagsmunum borgarbúa með því að láta persónulega gremju formannsins fyrrverandi og fylgismanna, setja allt á annan endann hér? Eigið þið þá ekki að segja af ykkur ef þið getið ekki komið ykkur yfir sandkassaþroskann? 

Ég tel að ég sem borgarbúi og útsvarsgreiðandi eigi heimtingu á svörum og það strax. Þessi farsi sem þið hafið sett í gang, fær mann til þess að íhuga þann kost að sækja um pólitískt hæli í Zimbabwe, þar er allavega tryggara stjórnmálaástand.

Og að lokum, þá segi ég aftur við ykkur, 

ÞIÐ ERUÐ AÐ VINNA FYRIR OKKUR BORGARBÚA, EKKI EIGIN RASS!

 

Óvissa um meirihlutann

Kremlin við Reykjavíkurtjörn

Í den þá áttum við vinirnir til að grípa í ýmiskonar borðspil okkur til skemmtunar. Eitt af þeim spilum sem var gripið í þegar heilinn var ekki stemmdur fyrir flókna hluti á borð við útfærslu landamæra Þriðja ríkisins eða Machiavellískar rýtingsstungur á Endurreisnar-tímabilinu, var skemmtilegt spil sem hét Kremlin. Kremlin var spil sem var frekar einfalt og gekk út á valdabaráttu í Kreml. Þar kljáðust fylkingar á um það hver ætti aðalritarann og var fjárfest á ýmsan hátt í skrautlegum persónum á borð við kvennabósann Vikotr Vaselín, spilasjúkan hershöfðingja sem hafði sér til frægðar unnið að tapa skriðdrekanum sínum til ítalskra hermanna við Stalingrad og fyrrum kúluvarpsdrottningu sem var ókrýndur Sovétmeistari í bjarndýraglímu kvenna. Til að vinna spilið þurfit maður að "eiga" sama aðalritarann þrjú ár í röðog láta hann veifa á 1. maí til almennings(eina skiptið sem minnst var á pöpulinn þar). Öllum brögðum var beitt á bak við tjöldin, stressfaktor á þessum karakterum með KGB-rannsóknum, mönnum komið fyrir á heilsuhæli eða jafnvel sendir á sovéskt geðveikrahæli í þrjú ár, ef enihver fylkingin náði meirihluta atkvæða í miðstjórn flokksins. 

Einhvern veginn er ástandið í ráðhúsinu, rýtingsstungur og örvæntingarfull plott Sjálfstæðismanna, farinn að minna ískyggilega á spilið. Vilhjálmur veifaði eitt sinn á 17. júní til almennings en vegna innri baráttu fylkinga í flokknum sem tengdust REI-máli þá varð hann að láta sig hverfa og önnur fylking náði stólnum en ekki 17. júní. Nú eru Sjálfstæðismenn svo byrjaðir að biðla til Óskars B. um samstarf, þegar Ólafur F. gengur ekki í takt við skipanir þeirra og asnast til að hafa sjálfstæðan vilja til að gera hluti, bæði góða og slæma,jafnvel þó að hann sé búiinn að veifa einu sinni á 17. júní. Óskar Bergs vill þó ekki láta kaupa sig nema að aðalritaranum, fyrirgefið borgarstjóranum, verði hent í burtu.

En er Óskar einnig tilbúinn til þess að gleyma því sem hann sagði eftir ókvæðisorð og brjálæðisköstin sem Sjálfstæðismenn tóku, eftir að Björn Ingi stakk þá í bakið? Þá sagði Óskar að það væri eitt gott með REI-málið og yfirgang Sjálfstæðismanna þar þar sem Hanna Birna ætlaðist til að Framsóknarmennirnir gerðu bara það sem þeim væri sagt, Sjálfstæðismenn réðu,og að það væri komið upp á yfirborðið hvað hann og Björn Ingi hefðu þurft að þola í "samstarfinu". Það má gera því skóna að Sjálfstæðismenn séu jafnvel tilbúnir til þess að leyfa Óskari að veifa eins og einn 17. júni fyrir kosningar, ef þeir fá einhvern sem hlýðir skipunum, í þeirri baráttu þeirra við að fá að veifa einnig á næsta tímabili.

Þó borgarstjórastóll væri freistandi ásamt ótakmörkuðu aðgengi að kjötkötlum, þá vona ég að Óskar beri gæfa og gáfur til þess að láta ekki freistast til að reyna að skera Sjálfstæðisflokkinn úr snöru valdagræðgi og spillingar sem er að herpast að hálsi flokksins þar. Hættan er sú að Framsóknarmennirnir flækist í snörunni sjálfir og dauðateygjur þeirra verðii endanlegar í borginni um leið og líkið af Sjálfstæðisflokknum er holað niður í mengaðri tjörninni, andargreyjunum lítt til ánægju.

Andargreyin hafa þó fengið einnig að finna fyrir þessu því nú er sá sem vildi fækka mávunum sem ónáða endurnar, á leið á heilsuhæli við Svartahafið....fyrirgefið, í háskólanám til Edinborgar. Endurnar höfðu bundið vonir til hans en sáu fljótt efir REI-mál að það væri nú betra að losna við mávabannan í burtu þar sem hann hafði misst áhugann og andafylkingin í Sjálfstæðisflokknum hafði ekki haft efni á að kaupa hann aftur til starfa. Jóakim hefur greinielga ekki tímt því.

Að lokum þá er spurningin með að fara að finna þetta spil aftur. Reyndar leitaði ég nýverið að því eða fyrir ca. 2 árum og miðað við hvað er í gangi í borginni, þá er spurning hvort ég rölti ekki upp í Valhöll og biðji þá um að skila því. Það er nefnilega miklu skemmtilegra að spila það heima í stofu við vini sína en að horfa á spilið leikið með raunverulegum persónum í Kremlin við tjörnina.

Vilja styrkja meirihlutann í Reykjavík

Project 100 vantar enn fólk í heimildarmyndatöku

Fyrr í sumar þá setti ég færslu inn um Project 100 sem er hugarfóstur okkar félaganna í Heimildarmynaklúbbnum Hómer. Ætlun okkar er að fá 100 manns með Mini-DV vélar til að taka upp tónleikanna á Menningarnóttu í samvinnu við Reykjavíkurborg og Rás 2. Í framhaldinu verður svo klippt saman heimildarmynd um upplifunina séð í gegnum þessa 100 einstaklinga og sýna á næstu Menningarnótt.

Þrátt fyrir að lítið hafi veirð auglýst og sumarfrí sem vinna hafi tekið sinn toll af undirbúningnum, þá hefur það samt skilað okkur nær þriðjungi þess mannskaps sem við þurfum. Nú erum við loks að reyna að koma þessu í fjölmiðla af viti og vonandi skilar því að við getum framkvæmt þetta. Ef einhverjir eru áhugasamir og vilja taka þátt í þessari heiimildarmyndagerð, endilega kíkið á heimasíðunna okkar og skráið ykkur:

www.projecthundred.com

 

Skrítnar áherslur

Ég veit ekki hvort fleirum hafi fundast það frekar undarlegt, en allavega finnst mér frekar skrítið hvað kerfið skyndilega virkar fljótt í þessu máli. Á tæpum sólahringi er búið að yfirheyra þa ákærðu ásamt vitnum og gefa út ákæru. Síðan eftir þingfestingu málsins er þeim sleppt lausum.

Um svipað leyti er manni rænt, honum misþyrmt hrottalega og hent út úr bifreið á ferð, nokkuð sem auðveldlega hefði getað valdið dauða mannsins. Hann kemst illa leikinn að verslunarmiðstöð þar sem hann brýtur rúðu til að fá aðstoð. Einn af hrottunum sem grunaður er um verkið, er handtekinn, færður til yfirheyrslu og loks sleppt til að hann geti samræmt sögu sína við hina þrjá sem ganga lausir. Hverjir ætli séu meiri ógn við almenna borgara?

Þessi ólíku viðbrögð kerfisins virðast því miður vera regla fremur en undantekning þegar kemur að mótmælendum eða þeim sem valdhafar hafa skoðun á. Öllu var til tjaldað fyrir austan fjall þegar verið var að mótmæla fyrir austan tjald, einkaher ríkislögreglustjóra sendur á svæðið og ekki til sparað í aðgerðum gegn "stórhættulegum" mótmælendum í tjaldbúðum. Meira að segja var gengið svo langt að matur var tekinn ófrjálsri hendi af ofstækisfulum sérsveitarmönnum, af borgurum sem höfðu það eitt sér til sakar unnið og það var að keyra nálægt tjaldbúðum mótmælenda. Við það bættist að ríkissaksóknari viðhaðfðist ekki þegar lögreglumaður reyndi að keyra mótmælanda niður, heldur kærði mótmælandann fyrir skemmdir á bifreiðinni eftir framburð sama lögreglumanns. Hvar voru áherslurnar á hlutlausa rannsókn þá?

Á sama tíma hefur sifellt meir og meir verið skorið niður til almennra löggæslustarfa og lítið sem ekkert tekið á ofbeldismönum og öðrum harðsvíruðum glæpamönnum sem ógna almenningi og nú í dag er mönnun almennra lögreglumanna  þegar kemur að álagstímum hér á Reykjavíkursvæðinu, varla nægileg til að halda almennri gæslu á sveitaballi.

Ekki má gleyma trukkamótmælendum einnig. Skyndilega birtist þar óeirðarlögregla vegna þess að þeir höfðu truflað silkihúfur við það að troða ofan í sig einhverri steikinni á kostnað skattborgaranna, við atviksem eftir á sérð er á mörgu leyti sambærilegt á við það þegar SUS-arar ryðjast inn á skattstofuna með stælum og jafnvel smá ofbeldi í garð borgaranna, hindrandi lögbundinn rétt manna og truflandi starfsemi opinberra stofnanna. Hvar er þá óeirðarlögregla?

Svo er það nú Baugsmálið þar sem hundruðum milljóna er eytt í handónýtt mál og allur tiltækur mannafli kallaður til. Á sama tíma er lögreglan tregari en andskotinn, þegar kemur að því að rannsaka einn stærsta þjófnað Íslandssögunnar eða olíusamráðsmálið, dregur lappirnar og með semingin lætur einn mann í verkið, svo tryggt sé að það klúðrist. Hvar voru t.d. endurákærurnar og mannafli þá?

Fleiri skrítnar áherslur finnast og ekki bara í glæpamálum. Þegar tengdatóttur ráðherra vantaði ríkisborgararétt til að geta komist á námslán, þá var því reddað á átta dögum af Útlendingastofnun, ráðuneytum og Alþingi. Á sama tíma bíður fólk eftir afgreiðslu ríkisborgaréttar í marga mánuði eða ár ásamt því að flóttamenn dúsa í húsi einu á SUðurnesjum jafnvel árum saman. Og vei þeim sem asnast til að kvarta yfir því, viðkomandi verður sendur í mun verri búiðir á Ítalíu þar sem hans bíður farseðil aðra leðina heim í gröfina jafnvel. Sá hefði betur nefnt námslán fyrst, hælisvistin hefði örugglega beðið í næsta Cheerios-pakka frá 'Utlendingastofnun til handa honum.

Er ekki kominn tími til að taka til í þessu kerfi svo að lög og regla gildi um alla, og eðlileg vinnubrögð séu höfð í öllum málum, ekki þau vinnubrögð sem þóknast valdhöfum hverju sinni. Er ekki einnig kominn tími til að kerfið virki þegar kemur að glæpamálum en ekki þegar það kemur að mönnum sem valdhöfum er í nöp við? Er svo ekki kominn tími til að mannslíf séu meir metin en hagsmunir fyrirtækja og peningamanna?

Skrítnar áherslur segi ég bara.

 

Neituðu sök fyrir dómi

Íslenska kindin er falleg....og menguð?

Í gær sátum við félagarnir að spjalli og leiddu umræðurnar út í umræður um álver og mengun þar sem einn sagði m.a. það að mengun á Reyðarifirði er víst orðin meiri en áætlað var tæpt einnig aðeins á sandfokinu fyrir austan. Einn félaganna kom þó með nokkuð óvænt tíðindi fyrir okkur hina sem hófst með því að hann sagði að það sé e.t.v. kominn tími til að krefjas framleiðendur um uppruna lambakjöts. Eftir að hafa heyrt það sem hann hafði fram að færa, þá varð ég skyndilega mjög feginn að vera ekki mikið fyrir neyslu á vegamorðingjum eða rolluketi eins og það kallast í daglegu máli.

Það fyrra sem hann hafði fram að færa um íslenska lambakjötið, var það að nú nýverið hafði hann rekið augun í frétt sem ekki fór mikið fyrir. Þar voru bændur að kvarta undan mikilli flúormengun út frá verksmiðju Norðuráls á Grundartanga sem hefur verið að losa mengun umfram leyfileg mörk að manni sýnist og að rannsóknir sýndu að mengunin væri komin yfir hættumörk og byrjað að valda tannlosi hjá búfenaði . .Ekki virtist þó mikið fara fyrir áhuga á að kanna þetta betur hjá fréttamanninum því hann lét sér nægja svar Norðuráls um að allt væri í lagi, í stað eþss að hafa samband við óháða eftirlitsaðila og athuga hvort þeir hefðu kannað þetta betur.

Fólki til fróðleiks má benda á að áhrif of mikils flúorsmagns á menn og dýr, geta verið hættuleg. Samkvæmt doktor.is eru áhrifin m.a. þessi:

"Flúoreitrun (fluorosis) í mönnum og dýrum, það er þegar flúorupptaka er meiri en hæfilegt er í lengri eða skemmri tíma, kemur fyrst fram í bein- og tannvef. Í mönnum kemur þetta fyrst fram í blettum á glerungi og í kjölfarið fylgja skemmdir á tönnum. Í kindum getur komið fram svokallaður gaddur, sem er ofvöxtur í vissum tönnum. Önnur áhrif í mönnum eru liðverkir og aukin beinmyndun og áhrif á hjarta og æðakerfi.

Langtíma ofneysla getur jafnvel leitt til vansköpunar og má sjá slík áhrif á einstöku stöðum í heiminum þar sem neysluvatn er of flúorríkt."

Seinna atriðið sem hann sagði okkur var þó ekki staðfest en samt umhugsunarvert ef rétt reynist. Einhverra hluta vegna hafði vinnufélagi hans látið efnagreina lambalæri sem hann hafði tekið með sér til heimkynna sinna erlendis. Niðurstöðurnar voru ekki beint fallinn til þess að viðhalda ímynd hins hreina og náttúrulega lambakets frekar en álverketið frá Grundartanga. Í lærinu hafði greinst nefnilega óvenjulega mikið magn geislavirkra efna en það skal tekið fram að það þarf alls ekki að vera hættulegt. Rannsóknarstofan sem hafði enga vitneskju um uppruna kjötsins, hafði hugsanlegt að miðað við magnið, þá gæti lærið góða e.t.v. verið af frægu svæði sem kallast Chernobyl eða þar í kring. Vinnufélaginn kvaðst hafa sent niðurstöðurnar til Geislavarna ríksins með ábendingu um þetta, en hafði ekki fengið svar um hvort þetta væri innan marka og einnig hvort þetta teldist eðlilegt her á landi.

Maður veltir því fyrir sér að lokum, hvort það sé ekki kominn tími á öflugra eftirlit og að tekið sé á svona mengunarmálum. Íslenska lambakjötið skiptir marga Íslendinga máli, bæði sem neyslu-afurð og svo sem atvinnuvegur sumra. Að sama skapi, þá er það ekki ásættanlegt að svona sé ekki rannsakað af eftirlitsaðilum, heldur virðist hagsmuna-aðila látið það eftir að sjá um þetta.

Fyrir flesta skiptir þetta einnig máli þegar kemur að heilsu til frambúðar og einnig heilbrigðiskerfið sem slíkt því ef Íslendingar fara að breyats í tannlausa, liðaverkjand þjóð út af menguðu lambakjöti þá má búast við álagi á kerfið.

AÐ lokum þá hafa Íslendingar verið að gorta sig af og auglýsa lambakjötið sem hreina náttúruafurð og að það sé best í heimi og alt eftir því. Ef ekki er reynt að standa undir því, heldur látið eftir hagsmunum mengandi stórfyrirtæki sem skaða þessar neysluvörur, þá legg ég til að hætt verði að nota þessi hástemmdu lýsingarorð um íslensku kindina á borð við hreinasta kjötið. Í staðinn sting ég upp á að skipt verði um slagorð og þetta tekið upp í staðinn:

Cherno lamb- Fyrir þá sem vilja glóa í myrkri!

 

 

Veikleiki óvinarins

Ég hef verið að mjatla í gegnum heimildarþættina The world at war frá árinu 1973, sem er alveg til prýði í alla staði hvort sem það er myndefni, viðtöl eða meistaralegur þulurinn, sjálfur Laurence Olivier. Nú síðast þá kláraði ég lokaþátt seríunnar þar sem fjallað var um minningar fólks af styrjöoldinni. Minningar hermanna sjálfra virtust margar hverjar þó að muna og tala um þá hluti sem voru grátbroslegir líkt og eftirfarandi saga í þessum þætti, sögð af breskum hermanni.

Eftir innrásina í Normandy þá hófst sóknin inn í Frakkland og voru þeir komnir í Burgundy-hérað þar sem sóknin stöðvaðist. Þessi breski hermaður var staddur nálægt herforingjunum  og heyrði hann á tal þeirra. Herforingjarnirvoru þar að ráðgast um þá klemmu sem eþir voru komnir í. Fyrir framan þá lágu helstu vínekrur Frakklands sem nasistar réðu yfir og foringjarnir vissu það að ef þeir myndu leggja til orustu á vínekrunum, þá myndu Frakkar aldrei fyrirgefa þeim það.

Skyndilega heyrðist frá einum þar fagnaðarhljóð og þegar hinir spurðu hvað kætti hann svo, svaraði hann að bragði:"Ég er búinn að finna veikleika Þjóðverja."

"Nú, hver er hann:": spurðu herforingjarnir.

"Þeir hafa hreiðrað um sig eingöngu á lélegum vínekrum!".

Þremur dögum síðar var búið að hrekja Þjóðverja frá Burgundy.

Smáhugleiðingar í tengslum við Ramses-mál og verjendur kerfisins

Oft á tíðum þegar maður lætur hugann reika, hvort sem það er í góðri göngu eða á náðhúsinu, þá stundum leita hugsanrinar að nýjum sem og gömlum hitamálum. Í dag staldraði kollurinn aðeins við Ramses-málið og annað hitamál frá því í fyrra, hið svokallaða Jónínu-mál eða tengdadótturmál ásamt vægast sagt vafasamri dómaraskipun Árna Matt.

Bæði Ramses-málið og hin málin tvö eiga ýmsilegt sameiginlegt. Fyrir það fyrsta þá er málsmeðferðin og óréttlætið sem fólst í henni aðaldeilumálið og kjarni málsins. Í annan stað þá er reynt að réttlæta gerðirnar með tilvísanir til að farið hafi veirð að lögum og hanga verjendur á því og þylja aftur og aftur eins og það afsaki allt ranglæti, sama hversu siðlaust og svívirðilegur verknaðurinn er.

En svo er það eitt sem aðgreinir umræður um þessi mál. Í málum tengdadóttur og Davíðssonar þá var ein vörnin sú að verið væri að ráðast á persónur þeirra. Þetta var þó ekkert annað en smjörklípa af hálfu verjenda kerfisins, þar sem persónur þeirra sem slíkar voru lítið til umræðu. Reyndar reyndu verjendurnir að tefla fram tengdadótturinni sem peði til varnar spilloingunni af spunadoktor flokksmaskínu á Stöð 2, en höfðu þó ekki erindi sem erfiði. 

En svo hveður við annan tón í Ramses-máli. Nú hafa verjendur kerfisins hjólað til atlögu gegn persónu Ramses og reynt er að draga upp sem versta mynd af honum.

Hvað ætli hafi breyst svo í hugum manna sem áður töluðu um persónuárásir, að þeir séu tilbúnir að beita persónuárásum til varnar? Helgar ekk einfaldlega tilgangurinn meðölin hjá þeim?

Illska kerfiskalla

Ein mesta skömm okkar Íslendinga var þegar íslenskir stjórnmálamenn og kerfiskallar ákváðu að senda gyðinga aftur til Þyskalands þar sem þeirra beið ill meðferð og síðar meir dauðabúðir nasista. Eftir að örlög gyðinga urðu ljós eftir stríð, þóttust sömu menn lítið kannast við framferði sitt og að þeir hefðu ekki vitað að það yrði farið illa með gyðinga í Þýskalandi nasimans, jafnvel þótt það hafi frést af meðferðinni í Dachau og Buchenwald hingað til lands fyrir stríð og Kristalsnótt gerði heimsbyggðinni ljóst hvað var í gangi.

Þetta ofangreinda getur ekki annað en skotið upp í kollinn þegar kemur að máli Paul Ramses og fjölskyldu og framferði íslenskra stjórnvalda. Í stað þess að úrskurða um málið ákváðu kerfiskallar og lítlmenni, að betra væri að splundra upp fjölskyldunni og senda Paul til Ítalíu þar sem hann fer aftast í langa, langa, langa röð í fjansamlegu landi, þ.e.a.s. ef ítölsk stjórnvöld sem þykja ansi fjandsamleg innflytjendum, flóttamönnum og múslimum í dag, senda hann ekki beint til Kenýa þar sem hann verður líklegast færður upp að veggnum og hnakkaður.  Við bætist svo að næsta skref er að senda konu hans til Svíþjóðar með sex vikna gamalt barn og allslausa og án eiginmannsins, þá get ég ekki annað en spurt hverskonar illmenni fara með völd á Útlendingastofnun? Eru menn gersamelga sneyddir öllu sem heitir mennska og mannúð þarna? Eru menn búnir að gleyma að það er til nokkuð sem heitir mannréttind, nokkuð sem ríkistjórnin ætlaði sér að vera meðal fremstu þjóða í framkvæmd á? 

En svo veltir maður fyrir sér spurningunni með málsmeðferðina, ástæður og hvernig var staðið að henni. Paul kemur hér í desember og sækir um hæli. Kerfið dregur lappirnar og svarar honum ekki þrátt fyrir fjórar yfirheyrslur 'utlendingastofnunar yfir honum og óstaðfestar fréttir hér á blogginu segja að málið hafi veirð komið inn á borð utanríkisráðuneytis í mars. Skyndilega er svo ákveðið að taka ekki mál hans fyrir og hann sendur með hraði út úr landi og yfirklór byrjað til að reyna að breiða yfir ástæðurnar. Falið er á bak við að þetta sé lögmætt sem er klassík þegar kemur að réttætingu illverks kerfiskalla og vísað til Dyflinnarsamkomulags sem réttlætingu, samkomulags sem segir að ríki þurfi ekki að gera það sem var framkvæmt í morgun og nú að ekki væri hægt að fara yfir mál Pauls þar sem kona hans var ólöglegí  landinu.....hvernig komst hún inn í landið ólöglega? Rann út dvalarleyfi hennar vegna seinagangs sálarlausra kerfiskalla? Ef svo er, hvers vegna á þá að refsa henni og Paul fyrir það?

Þetta er sú ástæða sem mér dettur til hugar, að Haukur Guðmundsson og aðrir starfsmenn 'utlenidngastofnunar hafi einfaldlega ákveðið að losa sig við Paul og fjölskyldu til að þurfa ekki að vinna vinnuna sína og biðjast afsökunar á seinaganginum, seinagangi sem virðist ekki vera til þegar kemur að því að redda ríkisborgararétt handa tengdadóttur ráðherra svo hún geti komist á námslán. Maður er nokkuð sannfærður um það að ef Paul hefði verið tengdasonur einvhvers ráðherrans, kannski Björns Bjarna sjálfs, þá væri hann kominn með dvalarleyfi, ríkisborgararétt og prófessorstöðu í Háskólanum við hliðina á Hannes Hólmsteini og það allt saman fyrir síðustu áramót.

Svo skjóta þó aðrar grunsemdir upp í kollinn á manni einnig þegar sést að Útlendingastofnun hefur stundað þetta grimmt á síðasta ári að senda fólk til annars lands og láta úrskurða um hælisleit þar, hvort þetta sé leynileg stefna Björns Bjarnasonar í innflytjendamálum þar sem notað eru brögð kerfisins sem fáir frétta af, til að hindra að flóttamenn komi til landsins. Eini munurinn kannski á þeim málum og nú, að þettta rataði í fréttirna. 

Svo er líka þriðji möguleikinn, að Haukur GUðmundsson og Björn Bjarnason hafi einfaldlega fundið gamalt skilti sem nasistar gáfu íslenskum ráðamönnum til að hafa við vegabréfshliðið, í heimsókn sinni hingað. Þeir hafi ekki viljað henda því en ákveðið að breyta áletrunni og það sett upp á vegg í mötuneyti Útlendingastofnunnar með þessari áletrun:

SCHWARZE VERBOTEN!

 

Eiginkona Ramses ólöglega í landinu

Nokkur sparnaðarráð til Palla

Helstu verðmæti fjölmiðla felst í starfsfólki þess og því er það einstaklega dapurlegt að sjá Pál Magnússon að hætti annara forstjóra í fílabeinsturnum, byrja á því að spara á vitlausum enda. Þó læðist að manni sá grunur að það verði slegnar nokkrar flugur í einu höggi, losað sig við fréttamenn með "rangar skoðanir", þ.e. ekki tilbúnir að selja starfsheiður sinn fyrir Sjálfstæðisflokkinn ásamt áframhaldandi undirbúningi á einkavinavæðingu sem hófst með ohf.-væðingunni.

Hérna eru nokkrir hlutir sem Páll hefði getað gert til sparnaðar og slegið vel á hallan ásamt því að auka vinsældir sínar út á við, í stað þess að enda uppi með viðurnefni á borð við "Slátrari Sjálfstæðisflokksins".

1. Páll hefði getað selt forstjórajeppann og bensínhákinn sem hann keyrir á um, á kostnað RÚV. Í staðinn hefði verið hægt að halda í við sig líkt og Geir talar um, og annað hvort fengið sér Yaris eða verið vistvænn og sparsamur í strætó. Giska á að sparnaðurinn sé um 8 millur á ári bara með þessu. Þarna er búið að redda tveimur stöðugildum hið minnsta

2.  Lækkað laun sín um þriðjung og samt verið hærri en forsætisráðherra í launum. Sex-sjö millur komnar þarna og þar með ekki þurft að segja upp 1,5-2 starfsmönnum.

3. Hætta í Eurovison- Ég held að flestir sjái að sparnaðurinn sé í það minnsta hundrað millljónir með þessu og myndi hvort sem er leggjast af, ef RÚV yrði einkavinavætt. Við eigum hvort eð er engan séns í keppnina, fyrst við sendum ekki Botnleðju á sínum tíma.  Auk þess þá þyrfti ekki að segja neinum upp nú og byrjað væri að grynnka á hallanum.

4. Hætta að vera áskrifendur að efni frá Hannesi Hólmstein á okurverði, heldur gera sömu gæðakröfur til hans og annara. Þarna myndií það minnsta einhverjir tugir milljóna og Palli myndi losna við það að þurfa að liggja undir ámæli og háði, fyrir sýningar á útvarpsefninu rándýra Enn er Maður nefndur.

5. Enga handboltaleiki, takk.-Sýn er tilbúið til þess að taka við þessu og ég losna þá við að láta þessi leiðindi eyðileggja fyrir mér matarlystina. Allavega 20-30 millur þar í sparnað.

6.  Sttokka upp í Kastljósi og losa sig við þessa rándýru froðu eins og Kastljósið er í dag-Gera þetta að alvöru fréttaþætti með skotleyfi á íslenska mafíosa og aðra bankastarfsmenn ásamt öðrum þeim sem gefa í kosningasjóð Sjálfstæðisflokkinn. Bæði myndi það auka vinsældir þáttarins ásamt því að spara fé sem fer í innihaldslausa froðui. Samnýting fréttamanna útvarps og sjónvarps myndi þarna skila miklum árangr og losa okkur við þá yfirborskenndu umræðu sem fer í fram í Kastljósi þar sem stórmál í deiglunni eru afgreidd á innan við 10 mínútnum af tveimur gjammandi viðmælendum sem kaffæra þann þriðja. Þessi þriðji er ekki spyrillinn yfirleitt.

7. Hætta að sýna frá Grímunni og Eddunni-Ætli megi ekki reikna með 10-20 milljón króna sparnaði þarna, ásamt því að að bæta heilsufar áhorfenda og þá sem eru neyddir til að mæta þarna. Aulahrollur getur verið skaðlegur og valdið hausverkjum sem og uppköstum. 

Ef einhver lumar á fleiri ráðum handa Palla, þá endilega skella þeim fram. Hver veit, kannski hlustar hann og hættir undirbúningnum á einkavinavæðingunni og fer að reka þetta eins og maður.

RÚV fækkar stöðugildum um 20